Ad Banner
Ad Banner
Ad Banner
Ad Banner

Pas 10 tentimeve arrin të hyjë në Kosovë Petkoviqi

10:42 | 26 Tetor 2022
A Z

Zyrtari serb, Petar Petkoviq, është duke qëndruar në Kosovë.Drejtori i të ashtuquajturës “Zyra për Kosovë” në Qeverinë e Serbisë, Petar Petkoviq, ka arritur tashmë në Pasjanë, ku është paraparë të marrë pjesë në liturgjinë e kishës së Rashkës së Prizrenit.

Sipas planit të vizitës, Petkoviq do të merrte pjesë në prerjen e tortës festive, në fshatin Kufcë e Epërme në ora 12:00.

Kurse të enjten, në ora 10:45, Petkoviq do të vizitojë komunën e Leposaviqit, ndërsa në ora 11:00 në Qendrën e Kulturës “Sava Deçanac” në Leposaviq do të marrë pjesë në kremtimin e festës së Shën Petkës.

Më 14 tetor, Petkoviqit iu ndalua hyrja në Kosovë, ku duhej të merrte pjesë në fronëzimin e Patriarkut Porfiri në Patriarkanën e Pejës.

Gjashtë ditë më parë, Petkoviqit iu nda “Çmimi i Tetorit” me rastin e Ditës së Komunës së Leposaviqit, mirënjohja më e lartë e komunës.

 

 

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm